كلمات قرمزية إلى علياء الملطية

فى زمن السفاح

العار بين ذراعيها مبتسم الشفاه

تتطاير به فرحا كانه رمز الكفاح 

والعفة انزوت كمدا تتمنطق بالرياح

مجرد سؤال

كيف تطلبى منى ان اعاملك بإحترام وانت تنتهكى براءة 

جسدك بالتعرى  !!!!!!!!؟

ثقافة واستظراف

العرافة بيثيا الشمامة

اخذ يقرأ بصوت عالى  " كان اليونانيون القدماء يعتقدون انا بوسعهم معرفة مصائرهم 

بسؤال عرافة او   كاهنة معبد دلف المكرس لعبادة الاله ابولون"

اقاطعه متسائلا  " ابولون ده كان لونه ايه يا معلم "

ينظر الى من طرف عينيه ويكمل " وكان ابولون يلقى بنبوءاته الى الكاهنة الكبرى بيثيا "

اقاطعه مرة اخرى " بيسه دى بتاعة المال والبنون   "

كان الفنان سعد قرقش الله يرحمه يناديها بطريقة فيها حدة تثير سخريتى

محاولا تقليدة بصوت اجش " بيييييييييســــــــــاه"

يكمل دونما التفاته  " بيثيا المستوية على عرش يقوم اعلى صدع يشق الآرض 

وتتصاعد منه غازات وابخرة تستنشقها الكاهنة فتكاد تذهل عن رشدها "

اقاطعه مستهزءا  " ويا ترى الغازات دى من مين بالظبط ابولون والا بيسه جتهم القرف "

اكمل مراقبا قسمات وجهه الذى لا زال منكبا على الكتاب " مش كانوا بنوا المعبد ده 

فى حته تانية غير المراحيض العامة بتاعة اليونان  اهو دلوقت الناس هاتستهبل تحت

حوائط المعبد "

المح على وجهة اثر ابتسامة يقاومها بعنف

يرد على معنفا لى " بطل استظراف واسمع يمكن تتعلم حاجة بدل الجهل اللى انت فيه ده "

يكمل " اسمع دى    اذ كان غياب الكاهنة قليلا عن وعيها شرطا ضروريا كى تنطق بوحى ابولون "

ارد معقبا "  اكيد الوحى ابولون ده من نوعية    اة يانى مش هاعمل كدة تانى "

يرد بخباثة  " عندك حق انا الغلطان "

يغلق دفتى الكتاب بسرعة ويلقيه فى وجهى

معقبا ب   " اتفوه"

اتفادى مفاجئاته بغير جدوى

فعقلى دوما يصيبنى بالمفاجأت

رباعيات الخيبان

بسم الله ابدأ كلامى وحوارى ع المكشوف

لا عودت يوم هاسكت كفاية ضعف وخوف

ودى موته والا اكتر ماكتر صراخ القوم

لكن يا مين يسمع والطرش بقوا بالزووف

....................................................

قالولنا ع الامثال دى منتهى الحكمة

كلام قليل صحيح لكن صحيح فطنة

والبعدا لا بيفهموا بقليلوا وكتيروا

تقولشى مخ السمك متغذى من طينة

..............................................

ليبرالى متلابرال فى جحره متدارى

نايب ودى الكارثة لرئيس ولا دارى

جاب الفلول جلسة نقسمها كدة خلسة

رجعها من تانى عسكر وانا حرامى

.................................................

يا نايب النايبة من حزب بلا فايدة

حزنوا عليك بدرى بخيبتك العايدة

قبلك وتد جرب والشعب قام شاله

عقلها يوم تعلب من ديب راسه طايرة

...............................................